काठमाडौँ । ठमेलस्थित एक होटलबाट २० करोड रुपैयाँभन्दा बढीको कोकिनसहित एक विदेशी महिला पक्राउ परेकी छन् ।
पक्राउ पर्नेमा मलेसियाकी ४७ वर्षीया बाथुमालाई भाडिभालु रहेकी छिन् ।
काठमाडौँ सिटी होटलमा लागु औषधको कारोबार भइरहेको छ भन्ने विशेष सूचनाको आधारमा जिल्ला प्रहरी परिसर काठमाडौँ र प्रहरी वृत्त लैनचौरको संयुक्त टोलीले उनलाई पक्राउ गरेको हो ।
उनी बस्ने होटलको कोठाबाट ६ वटा स्कुल ब्यागबाट ५ किलो ८२० ग्राम कोकिन बरामत गरिएको छ । बरामत उक्त कोकिनको बजार मूल्य २० करोड ३६ लाख रुपैयाँ हुन आउने प्रहरीको भनाई छ ।
