काठमाडौँ । नेकपा (एमाले)ले प्रधानमन्त्री पुष्पकमल दाहाल प्रचण्डलाई दिएको समर्थन फिर्ता लिएको छ ।
औपचारिक रुपमा समर्थन फिर्ताको पत्र दर्ता गरी प्रधानमन्त्रीलाई बुझाउने एमालेको तयारी छ ।
एमालेका प्रमुख सचेतक महेश बर्तौलाले न्युजपोलारसँग भन्नुभयो – ‘हिजोको सचिवालयको बैठकले एमालेको नेतृत्वमा कांग्रेस र एमालेबीचको समझदारीमा राष्ट्रिय सहमतिको सरकार बनाउन प्रधानमन्त्रीलाई आजसम्म मार्गप्रशस्त गर्न आह्वान गरेको थियो । अहिलेसम्म प्रधानमन्त्रीबाट त्यो अवस्था देखिएन । यसमा हाम्रो कुनै अन्यथा छैन । हामीले नयाँ राष्ट्रिय सरकारको प्रक्रिया आरम्भ गर्नका लागि एमालेको तर्फबाट सरकारलाई दिएको समर्थन फिर्ता लिने र मन्त्रीहरुलाई फिर्ता बोलाउने निर्णय भएको छ ।’
