काठमाडौँ । रामबहादुर बम्जनलाई जिल्ला अदालत सर्लाहीले बाल यौन दुराचार गरेको कसूरमा १० वर्ष सजाय सुनाएको छ ।
जिल्ला अदालत, सर्लाहीका न्यायाधीश जीवनकुमार भण्डारीको इजलासले सोमबार उनलाई १० वर्ष कैद र पीडितलाई ५ लाख रुपैयाँ क्षतिपूर्ति भराउन आदेश दिएको हो ।
यसअघि न्यायाधीश भण्डारीको इजलासले १० असारमा बम्जनलाई दोषी ठहर गरेको थियो भने सजाय निर्धारणका लागि सोमबारका लागि पेशी तोकिएको थियो ।
आफूलाई तपश्वी दाबी गर्ने बम्जन २४ पुस २०८० मा काठमाडौंबाट पक्राउ परेका थिए ।
