एजेन्सी । दक्षिण अफ्रिकालाई हराउँदै भारतीय टोलीले टी–२० विश्वकपको उपाधि जितेको छ । यो जितपछि भारतीय कप्तान रोहित शर्मा र विराट कोहलीले टी–२० अन्तर्राष्ट्रियबाट बिदा हुने निर्णय गरेका छन् ।
तर के तपाईलाई दुबै दिग्गज खेलाडीको सम्पत्ति र कुल सम्पत्तिको बारेमा थाहा छ ?
मिडिया रिपोर्टका अनुसार रोहित शर्माको कुल सम्पत्ति करिब २१४ करोड रुपैयाँ छ । बीसीसीआईले रोहित शर्मालाई ए प्लस सम्झौतामा राखेको छ ।
यसरी रोहित शर्माले टेस्ट खेलबापत १५ लाख, ओडीआई र टी–२० ढाँचामा क्रमशः ६ लाख र ३ लाख रुपैयाँ पारिश्रमिक पाउनेछन् । यसबाहेक रोहित शर्माले आईपीएल र विज्ञापनबाट करोडौं रुपैयाँ कमाउँछन् ।
आलिशान घर बाहेक, रोहित शर्मासँग लग्जरी कारहरूको अद्भुत संग्रह छ । रोहित शर्माको मुम्बईको आहुजा टावर्समा एउटा घर छ, जसको मूल्य करिब ३० करोड भारु छ । रोहित शर्मा आफ्नी श्रीमती ऋतिका र परिवारका अन्य सदस्यहरूसँग यो विलासी घरमा बस्छन् ।
जबकि, विराट कोहलीको कुरा गर्ने हो भने उनको कुल सम्पत्ति करिब १०५० करोड रुपैयाँ छ । रोहित शर्मा जस्तै विराट कोहली पनि बीसीसीआईको ए प्लस सम्झौताका हिस्सा हुन् । बीसीसीआईको तलब बाहेक विराट कोहलीले आईपीएलबाट १६ करोड रुपैयाँ कमाउँछन् । विज्ञापनबाट पनि करोडौं रुपैयाँ कमाउँछन् ।
विराट कोहली आफ्नी श्रीमती अनुष्का शर्मासँग मुम्बईको एक आलिशान बंगलामा बस्छन् । जसको मूल्य करिब ३४ करोड रुपैयाँ रहेको छ । यसबाहेक, विराट कोहलीको गुरुग्राममा सम्पत्ति छ, जसको मूल्य करिब १०० करोड भारु अनुमान गरिएको छ ।
यी सबै बाहेक विराट कोहलीसँग लक्जरी कारहरूको अद्भुत संग्रह छ । विराट कोहलीसँग लगभग सबै आधुनिक कार छन् ।
