काठमाडौं । स्पेनिस टेनिस खेलाडी राफायल नाडाल अष्ट्रेलियन ओपन टेनिसको सेमिफाइनलमा प्रवेश गरेका छन् ।
मंगलबार मेलबर्नमा भएको क्वाटरफाइनलमा क्यानडाका डेनिस सापालोभलाई पराजित गर्दै नाडालले अन्तिम चारको यात्रा तय गरेका हुन् ।
पाँचौं वरीयताका नाडालले १४ औं वरीयताका डेनिसमाथि ६-३, ६-४, ४-६, ३-६ र ६-३ को सेटले विजयी बने ।
नाडाल सातौं पटक अष्ट्रेलियन ओपनको सेमिफाइनलमा पुगेका हुन् ।
२० पटकको ग्रान्डस्लाम विजेता नाडालले २००९ मा अष्ट्रेलियन ओपनको उपाधि जितेका थिए ।
