बैंकक । दक्षिण चीन सागरमा अभ्यास गरिरहेको अमेरिकी नौसेनाको एफ३५सी लाइटनिङ ।। लडाकु विमान अमेरिकी विमानवाहक जहाजको डेकमा अवतरण गर्ने क्रममा दुर्घटनाग्रस्त हुँदा सात जना नाविक घाइते भएको सेनाले बताएको छ ।
युएसएस कार्ल भिन्सन डेकमा अवतरण गर्दा दुर्घटना हुनु अघि पाइलटले विमानबाट हाम फालेका थिए। सेनाको हेलिकप्टरबाट पाइलटको खोजी गरिएको थियो । उनको अवस्था स्थिर रहेको छ ।
दुर्घटनामा सात जना नाविक घाइते भएका छन् । तीमध्ये तीनलाई उपचारका लागि फिलिपिन्सको राजधानी मनिलामा भर्ना गरिएको छ । अरुको भने जहाजमै उपचार भइरहेको छ ।
मङ्गलबार बिहान मनिला पठाइएका तीन जना नाविकको अवस्था स्थिर रहेको सेनाले जनाएको छ ।
युएस प्यासिफिक फ्लीटका प्रवक्ताले दुर्घटनाको कारणबारे थप जानकारी नभएको र अनुसन्धान जारी रहेको बताए।
उल्लेखनीय कुरा के छ भने चीनले दक्षिण चीन सागरमा आफ्नो दाबी राख्दै ताइवानमाथि लगातार दबाब बढाइरहेको छ।
यसरी अमेरिका र यसका सहयोगीहरूले यस क्षेत्रमा अभ्यासलाई तीव्र पारेका छन्, जसलाई उनीहरूले अन्तर्राष्ट्रिय कानूनअनुसार ‘नेभिगेसनको स्वतन्त्रता’ सञ्चालन भनेका छन्।
