काठमाडौँ । आयोजक जर्मनी युरो २०२४ अन्तर्गत समूह विजेता बनेर अन्तिम १६ मा प्रवेश गरेको छ । गएराति भएको खेलमा स्वीट्जरल्यान्डसँग १–१ गोलको बराबरी खेलेसँगै जर्मनी समूह विजेता बनेको हो ।
खेलको २८ औं मिनेटमा डान एन्डोइले गोल गर्दै स्वीट्जरल्यान्डलाई सुरुवाती अग्रता दिलाएका थिए । खेल सकिनै लाग्दा इन्जुरी समयमा वैकल्पिक खेलाडी निकलास फुल्कवर्गले गोल गर्दै जर्मनीलाई हारबाट जोगाए ।
बराबरीसँगै स्वीट्जरल्यान्ड समूह उपविजेता बनेर अन्तिम १६ मा स्थान बनाएको छ ।
समूह ए मा जर्मनीले ३ खेलबाट ७ अंक जोड्यो । स्वीट्जरल्यान्डले ५ अंक जोड्यो । यस समूहबाट स्कटल्यान्ड बाहिरियो । हँगेरीको भने नकआउट चरणमा प्रवेश गर्ने सम्भावना कायमै छ ।
