• ५ श्रावण २०८१, शनिबार
  •      Sat Jul 20 2024
  •   Unicode
Logo
Latest
★   बंगलादेशमा हिंसा भड्किन थालेपछि करिब ८०० नेपाली विद्यार्थी स्वदेश फर्किए ★   हिंसाग्रस्त बंगलादेशमा अध्ययनरत १७ नेपालीलाई भोलि उद्धार गरी काठमाडौं ल्याइने ★   हनुमन्ते पस्यो बस्तीमा, उच्च सतर्कता अपनाउन आह्वान ★   कांग्रेस संसदीय दलको प्रमुख सचेतकमा घिमिरे ★   द्वारिकाज होटलकी संस्थापक अम्बिका श्रेष्ठको पशुपतिमा अन्त्येष्टि ★   स्मार्ट क्यामराबाट पैदलयात्रीको आवतजावत संख्या तथा घनत्व मापन गरि नयाँ सडकमा पैदल मार्ग विस्तार गर्ने… ★   आर्थिक अनुशासन, पारदर्शिता र जबाफदेहिता सबैभन्दा महत्वपूर्ण: अर्थमन्त्री पौडेल ★   सरस्वती क्लवद्वारा ‘सरस्वती वाटिका’ कोटेश्वरमा वृक्षारोपण ★   सर्पको टोकाइबाट घाइतेको हेलिकप्टरबाट उद्वार ★   लुम्बिनी प्रदेशका मुख्यमन्त्रीले आइतबार विश्वासको मत लिने

सहकारी ठगी प्रकरण: प्राइम सहकारीका कार्यकारी अधिकृतसहित सात जना कारागार चलान



पोखरा । सहकारीको रकम अपचलन गरेको आरोप लागेका प्राइम बहुउद्देश्यीय सहकारी संस्थाका कार्यकारी अधिकृतसहित सात जना कारागार चलान भएका छन् ।

जिल्ला अदालत कास्कीका न्यायाधीश रामचन्द्र शर्माको इजलासले सहकारीका प्रमुख कार्यकारी अधिकृत सुरेन्द्रमणि पौडेल र व्यवस्थापक निरु थापा सहित ७ जनालाई पुर्पक्षका लागि थुनामा पठाउने आदेश दिएको हो ।

सहकारीको एक अर्व ५७ करोड रुपैयाँ अपचलन गरेको आरोपमा ६५ जना प्रतिवादी किटान गरिएको छ । तिमध्ये ९ जना पक्राउ परिसकेका छन् भने ५६ जना फरार छन् । जिल्ला सहकारी वकिलको कार्यालयले प्रतिवादीलाई ८ देखि १० वर्षसम्म कैद सजाय तथा १ अर्ब ५७ करोड १५ लाख ८ हजार १ सय २४ रुपैयाँ बिगो रकम माग दाबीसहित अभियोगपत्र दायर गरेको थियो ।

अदालतले सहकारीका अध्यक्ष शंकर कार्की, निवर्तमान अध्यक्ष निदेशप्रसाद कोइराला, पूर्व कोषाध्यक्ष कुलदीप भट्टराई, कर्जा अधिकृत सुनिल थापा र सुकुमबासी समितिका उत्तम मगरलाई पनि पुर्पक्षका लागि थुनामा पठाउने आदेश दिएको छ । सेयर सदस्य एवं सल्लाहकार मानबहादुर गुरुङलाई ३५ लाख र पूर्व कर्मचारी सन्तोष घिमिरेलाई १ लाख धरौटीमा रिहा गर्ने आदेश दिइएको छ ।