एजेन्सी । बलिउड अभिनेता राजकुमार राव र अभिनेत्री भूमि पेड्नेकर अभिनित फिल्म ‘बधाई दो’को नयाँ प्रदर्शन मिति तोकिएको छ ।
मंगलबार फिल्मको ट्रेलर सार्वजनिकसँगै फिल्मको पूर्वनिर्धारित मितिमा परिवर्तन गर्दै फेब्रुअरी ११ मा प्रदर्शन हुने फिल्मको निर्माण पक्षले जानकारी दिएको छ।
यसअघि फिल्म फेब्रुअरी २ मा प्रदर्शन हुने भनिएको थियो। ‘बधाई दो’ फिल्म सन् २०१८ मा प्रदर्शनमा आएको फिल्म ‘बधाई हो’को सिक्वेलको रुपमा बनेको छ।
फिल्मलाई हर्षबर्धन कुल्कर्नीले निर्देशन गरेका छन्। फिल्मको लेखन सुमन अधिकारी, अक्षत घिल्डायल र निर्देशक कुल्कर्नीले गरेका छन्।
