काठमाडौँ । जर्मनीमा जारी युरो कप २०२४ फुटबल प्रतियोगितामा फ्रान्स, स्लोभाकिया र रोमानिया विजयी भएका छन् ।
सोमबार भएका खेलहरुमा फ्रान्सले अष्ट्रियालाई १-० गोलले पराजित गर्यो ।अष्ट्रियाका माक्सिमिलियन ओवरले ३८ औं मिनेटमा आत्मघाती गोल गरेका थिए । सोही उपहार गोलले फ्रान्स विजयी बन्यो ।
यस्तै, स्लोभाकियाले बेल्जियममाथि १-० गोलको जित हात पार्यो । स्लोभाकियालाई जित दिलाउन एकमात्र निर्णायक गोल खेलको ७ औं मिनेटमा इभान सार्न्जले गोल गरे ।
यस्तै, हिजो नै भएको अर्को खेलमा रोमानियाले युक्रेनलाई ३-० गोलले पराजित गर्यो । रोमानियालाई सहज जित दिलाउन खेलको २९ औं मिनेटमा निकोलाइ स्टान्चीयु, ५३ औं मिनेटमा राजभान मारिनले तथा ५७ औं मिनेटमा डेनिस ड्रागसले गोल गरे ।
आज मंगलबार राति ९ः४५ बजे टर्की र जर्जिया तथा १२ः४५ बजे पोर्चुगल र चेक रिपब्लिकबीच खेल हुँदैछ ।
