काठमाडौं । बाँकेको भेरी अस्पतालमा दाङकी एक कोरोना संक्रमित महिलाको उपचारको क्रममा मृत्यु भएको छ । लमही नगरपालिका–८ कि ६५ वर्षीय महिलाको उपचारका क्रममा शनिबार राति १ः३८ बजे मृत्यु भएको हो ।
स्वास्थ्यमा समस्या भएपछि यही पुस १३ गते अस्पताल भर्ना भएकी महिलामा १५ गते कोरोना संक्रमण पुष्टि भएको थियो ।
जिल्ला कोभिड–१९ संकट व्यवस्थापन केन्द्र बाँकेका अनुसार उनको मृत्यु भएसँगै बाहिरी जिल्लाबाट आएर उपचारका क्रममा बाँकेमा मृत्यु हुनेको संख्या ७७ पुगेको छ ।
