काठमाडौँ । आइसीसी टि–ट्वान्टी विश्वकप क्रिकेट प्रतियोगिताअन्तर्गत नेपाल दक्षिण अफ्रिकासँग एक रनले पराजित भयो ।
११६ रनको लक्ष्य पछ्याएको नेपालले २० ओभरमा ७ विकेट गुमाएर ११४ रनमात्रै बनाउन सकेपछि खेल गुमाएको हो । हार वा जित नेपाली समर्थकको टिमप्रतिको समर्थनलाई लिएर विश्व क्रिकेटले नै प्रशंसा गरिरहेको छ ।
चाहे अमेरिकामा भएको खेल होस् वा वेस्ट इन्डिजमा भएको खेल नेपाली फ्यान टोलीको हौसला बढाउन नेपाली जर्सीमा सजिएका हुन्छन् ।
यसैबीच इन्डियन प्रिमियर लिग (आईपीएल)का टिमले नेपाली क्रिकेट टोलीको प्रदर्शनलाई लिएर प्रशंसा गरेका छन् । चेन्नई सुपर किंग्स, मुम्बई इन्डियन्स, राजस्थान रोयल्स, लगनउ सुपर जायन्ट्स, दिल्ली क्यापिटल्सले आफ्नो आधिकारिक पेजमार्फत नेपाली टोलीको प्रशंसा गरेका हुन् ।
अब नेपालले समूह चरणको आफ्नो अन्तिम खेल यही असार ३ गते सोमबार बङ्गालदेशसँग खेल्नेछ ।
