एजेन्सी । भारतीय स्टार ब्याट्सम्यान विराट कोहलीका फ्यान देश तथा विदेशमा जताततै छन् । उनका फ्यानहरू कोहलीलाई एकपटक हेर्न पर्खिरहेका हुन्छन् र उनीसँग रमाइलो गर्ने मुडमा रहन्छन् ।
यस्तै दृश्य टी–२० विश्वकप २०२४ को २५ औं खेलमा देखियो, जहाँ भारतले अमेरिकाको सामना गरिरहेको थियो ।
यो खेल जित्दै भारतले सुपर ८ मा आफ्नो स्थान पक्का गरेको छ । यो खेलको क्रममा स्ट्यान्डमा उभिरहेका फ्यानहरूले विराट कोहली र उनकी जीवनसाथी अनुष्का शर्मासँग सम्बन्धित हास्यास्पद नारा लगाउन थाले ।
भारतीय टोलीको फिल्डिङका क्रममा विराट कोहली बाउन्ड्रीमा उभिरहेका बेला स्ट्यान्डमा उपस्थित कोहलीका फ्यानहरू उनलाई देखेर उत्साहित भए । त्यसपछि उनलाई देखेर फ्यानहरुले रमाइलो नारा लगाउन थाले ।
सबैभन्दा पहिले उनीहरुले नारा लगाए – ‘१० रुपैया पेप्सी, कोहली भाई सेक्सी’ । त्यसपछि फ्यानहरूले विराट कोहली र उनकी पत्नी अनुष्का शर्मासँग सम्बन्धित एउटा रमाइलो नारा लगाए ‘दिवाली होस् वा होली, अनुष्का लव कोहली ।’
यो नारामा कोहलीबाट कुनै नकारात्मक प्रतिक्रिया आएन र कोहलीले आफ्नो फिल्डिङमा ध्यान दिए । यो नारा सुन्दा निकै रोचक लाग्यो । यो भिडियो अहिले सामाजिक सञ्जालमा भाइरल भइरहेको छ ।
विराट कोहलीले टी–२० विश्वकप २०२४ मा अहिलेसम्म तीन खेल खेलिसकेका छन् । यी तीन खेलमा उनको ब्याटबाट कुनै राम्रो इनिङ आएको छैन । यसबाहेक २०२४ को टी–२० विश्वकपको २५औं खेलमा अमेरिकाविरुद्ध कोहली शून्य रनमा आउट भएका थिए । यसअघि विराट कोहली टी–२० विश्वकपमा यसरी आउट भएका थिएनन् ।
विराट कोहलीले सन् २०१२ मा टी–२० विश्वकपमा डेब्यु गरेका थिए । उनले यस प्रतियोगितामा अहिलेसम्म २८ इनिङ खेलेका छन् जसमा उनले १३०.५२ को स्ट्राइक रेटमा ११४६ रन बनाएका छन् । यस प्रतियोगितामा उनको उच्चतम स्कोर ८९ रन नटआउट रहेको छ ।
उनी टी–२० विश्वकपमा सर्वाधिक रन बनाउने ब्याट्सम्यानको सूचीमा शीर्ष स्थानमा छन् । यस बाहेक उनी दुई पटक म्यान अफ दि टुर्नामेन्ट समेत चुनिएका छन् । पहिलो पटक २०१४ को टी–२० विश्वकप र दोस्रो पटक २०१६ को टी–२० विश्वकप ।
During Yesterday’s match Fans Chanting “10 rupay ki Pepsi, Kohli bhai sexyy” & “Diwali ho yha Holi, Anushka loves Kohli” 😂❤️ pic.twitter.com/N7nBJOLcS9
— Virat Kohli Fan Club (@Trend_VKohli) June 13, 2024
