• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   दुग्ध विकास संस्थानलाई निजी साझेदारीमा सञ्चालन गर्ने सोचमा छौं: कृषिमन्त्री साह ★   पोखरा र भैरहवा विमानस्थल पूर्ण क्षमतामा सञ्चालन गर्नेबारे छलफल ★   दीपेन्द्रसिंह ऐरीलाई यूएईको आईएल टी–२० लिग खेल्न गल्फ जायन्ट्सले गर्यो रिटेन ★   टी–२० विश्वकपको सुपर ८ मा दुई आयोजक भिड्दै, दुबैलाई जित्नैपर्ने दबाब ★   रूसी नेता पुटिन थप शक्तिशाली कि कमजोर ? ★   सिमेन्ट उद्योगका जटिलता हटाउन सकारात्मक छौँ: उद्योगमन्त्री भण्डारी ★   नेपाली काँग्रेस संसदीय दलको बैठक जारी ★   प्याट कमिन्सअघि यी ६ बलरले टी–२० विश्वकपमा ह्याट्रिक लिएका थिए ★   सिमेन्ट उद्योगलाई उद्योगस्थलकै तौल पुल प्रयोग गरी उत्खनित खनिजको परिणाम मापनका लागि ६ महिना म्याद… ★   रास्वपाको चियापान कार्यक्रममा शीर्ष नेताहरु– तस्बिरहरु

सोनाक्षीको बिहेबारे आफ्नै बुबालाई थाहा छैन



एजेन्सी । बलिउड अभिनेत्री सोनाक्षी सिन्हाको बिहेको खबरका बीच पिता शत्रुघ्न सिन्हाको प्रतिक्रिया आएको छ ।

शत्रुघ्नले आफ्नी छोरी सोनाक्षीले बिहेको बारेमा अहिलेसम्म कुनै जानकारी नदिएको बताएका छन् ।

एक अन्तर्वार्तामा शत्रुघ्नले यस खबरमा जस्तो प्रतिक्रिया दिएका छन् त्यसबाट यो सम्बन्धमा शत्रुघ्न खुसी नभएको पनि अनुमान गरिएको छ । साथै छोरीसँगको सम्बन्ध पनि राम्रो चलिरहेको छैन भन्ने अनुमान गर्न सकिन्छ ।

जुमलाई दिएको अन्तर्वार्तामा शत्रुघ्नले भने, ‘म अहिले दिल्लीमा छु । चुनावी नतिजा आएदेखि नै म यहाँ छु । अहिले सम्म छोरीको विवाहको बारेमा मैले मिडियामा पढेको जानकारी मात्रै हो । सोनाक्षीसँग मैले अहिलेसम्म यस विषयमा कुरा गरेको छैन । न त उनले अहिलेसम्म मलाई यसबारे कुनै जानकारी दिएकी छन् ।’

अभिनेताले थपे, ‘जब पनि सोनाक्षीले मसँग यसबारे कुरा गर्छिन्, मेरो आशीर्वाद उनीसँग हुनेछ । हामी चाहन्छौं कि उनले संसारका सबै सुखहरू प्राप्त गरुन् ।’

सोनाक्षीले आफ्नो पार्टनर तथा बलिउड अभिनेता जहीर इकबालसँग जुन २३ मा मुम्बईमा विवाह गर्ने चर्चा छ ।

इन्डिया टुडेको रिपोर्ट अनुसार यो विवाहमा जोडीको परिवारका सदस्य र नजिकका साथीहरू मात्र सहभागी हुनेछन् । यो उत्सव बेस्टियन, मुम्बईमा हुन सक्छ । यो रेष्टुरेन्टकी मालिक बलिउड अभिनेत्री शिल्पा शेट्टी हुन् ।