एजेन्सी । मिचेल स्टार्क आईपीएल इतिहासकै सबैभन्दा महँगा खेलाडी हुन् । कोलकाता नाइट राइडर्सले आईपीएल २०२४ अघि भएको मिनी लिलामीमा स्टार्कलाई २४.७५ करोडमा किनेको थियो ।
स्टार्कले लिग चरणमा निकै खराब बलिङ गरेपछि उनी धेरै ट्रोल पनि भए । तर प्लेअफ खेलमा उत्कृष्ट प्रदर्शन गर्दै स्टार्कले आलोचकहरूलाई मौन बनाएका थिए ।
यसैबीच यहाँ त्यस्ता दुई खेलाडीको बारेमा चर्चा गरौं जसले फ्रेन्चाइजलाई साँच्चै धोका दिए । एक ब्याट्सम्यान दिल्ली क्यापिटल्सको हिस्सा थिए, जसको प्रत्येक रनको लागत २.४ करोड रुपैयाँ थियो ।
दिल्ली क्यापिटल्सका कुमार कुशाग्रा र लखनऊ सुपर जायन्ट्सका देवदत्त पडिक्कलको कुरा गर्दैछौं । दुवै खेलाडी आईपीएल २०२४ मा पूर्ण रुपमा फ्लप भएका थिए ।
पूरै सिजनमा पडिक्कलले ३८ रन मात्र बनाए भने कुशाग्राले ३ रन मात्र बनाउन सके । दुवै खेलाडीलाई सात करोडभन्दा बढी मूल्यमा खरिद गरिएको हो ।
कुमार कुशाग्रालाई आईपीएल २०२४ को मिनी लिलामीमा दिल्ली क्यापिटल्सले ७.२० करोड भारुमा किनेको थियो । दिल्लीले उनलाई कुल ३ मौका दिएको थियो जसमा उनले ३ रन मात्र बनाएका थिए । यसरी कुशाग्रको प्रत्येक रनमा दिल्लीको २.४ करोड भारु खर्च भयो ।
देवदत्त पडिक्कल गत सिजनसम्म राजस्थान रोयल्सको हिस्सा थिए । तर उनी ट्रेडको माध्यमबाट लखनऊ सुपर जाइन्ट्समा आएका थिए भने आवेश खान लखनऊबाट राजस्थान आएका थिए ।
लखनउले देवदत्तलाई आफ्नो ब्याटिङ बलियो बनाउने आशामा समावेश गरेको थियो तर उनी पूर्ण रूपमा फ्लप साबित भए । पडिक्कलले आईपीएल २०२४ मा ७ खेल खेलेका थिए जसमा उनले ३८ रन मात्र बनाएका थिए । यसरी लखनऊमा पडिक्कलको एउटा रनमा करिब २० लाख रुपैयाँ पर्न गयो ।
