काठमाडौं । स्रोत नखुलेको ३७ लाख रुपैयाँसहित एक जना पक्राउ परेका छन्। चितवनबाट काठमाडौं आउँदै गरेको बा३ख ९१३९ नम्बरको माइक्रो बसमा सवार चितवन माडी नगरपालिका-६ बस्ने २६ वर्षीय रामकुमार गुरूङलाई पक्राउ गरेको हो ।
महानगरीय प्रहरी प्रभाग नागढुंगाबाट खटिएको टोलीले गाडीमा सवार उनको झोला जाँच गरेको थियो। त्यसैक्रममा लुकाएर ल्याइएको नगद र चेक फेला परेको प्रहरीले जनाएको छ।
उनीबाट ७ लाख ११ हजार रुपैयाँ लेखिएको ग्लोबल आइएमई बैंकको चेक र हस्ताक्षर भएको तर नगद उल्लेख नभएको अर्को चेक पनि बरामद भएको प्रहरीले जनाएको छ।
