एजेन्सी । कोलकाता नाइट राइडर्स अब आईपीएलमा तेस्रो धेरै उपाधि जित्ने टोली बनेको छ । आईपीएल २०२४ को फाइनलमा सनराइजर्स हैदरावादलाई ८ विकेटले पराजित गर्दै केकेआरले तेस्रो पटक च्याम्पियन बन्ने उपलब्धि हासिल गरेको छ ।
शाहरुख खानले कोलकाताको यो ऐतिहासिक जित आफ्नी श्रीमती गौरी खान, छोरा र छोरी सुहाना खानसँग मनाएका छन् । खासगरी सुहाना खानको कुरा गर्ने हो भने कोलकाताको च्याम्पियन बनेपछि उनले बुबा शाहरुखलाई अँगालो हालिन् । उनको आँखाबाट आँसु पनि निस्किएको देखियो ।
केकेआर सन् २०१२ मा पहिलो पटक च्याम्पियन बन्दा सुहाना भर्खरै बच्चा थिइन् भने अब १२ वर्षपछि सुहानाको लुक्समा अचम्मको परिवर्तन आएको छ ।
सुहाना खानको जन्म २२ मे २००० मा मुम्बईमा भएको थियो । कोलकाता नाइट राइडर्सले आईपीएल २०१२ को फाइनलमा चेन्नई सुपर किंग्सलाई ५ विकेटले हराएर पहिलो पटक आईपीएल ट्रफी जितेको थियो । त्यतिबेला सुहाना १२ वर्षकी मात्र थिइन् ।
उनको पुरानो तस्बिर सामाजिक सञ्जालमा निकै शेयर भइरहेको छ । यसैबीच, २०१४ मा कोलकाता च्याम्पियन बने पनि केकेआरले पहिलो ट्रफी जितेको १२ वर्ष बितिसकेको छ । यसको मतलब सुहानाको लुक्समा धेरै परिवर्तन आएको छ ।
