काठमाडौँ । प्रधानमन्त्री पुष्पकमल दाहाल ‘प्रचण्ड’ले नेपाली कांग्रेसका सभापति शेर बहादुर देउवा र नेकपा एमालेका अध्यक्ष केपी शर्मा ओलीसँग छलफल गर्नुहुने भएको छ ।
सहकारीको रकम अपचलनबारे छानबिन गर्न गठन गर्ने भनिएको संसदीय समितिको कार्यादेश (टीओआर)बारे छलफल गर्न प्रधानमन्त्रीसहित शीर्ष तीन नेता छलफलमा जुट्ने भएका हुन् ।
प्रधानमन्त्री निवास बालुवाटारमा दिउँसो तीन बजे छलफल हुने बताइएको छ ।
टिओआर टुंग्याउन आजै बालुवाटारमा बसेको बैठकमा कुनै सहमति जुट्न सकेन । बालुवाटारमा सहमति नजुटेपछि कांग्रेसको पदाधिकारी बैठक बस्दै छ भने सत्तापक्ष पनि आन्तरिक छलफलमा जुटेको छ ।
