काठमाडौं । मंगलबार देशभर ४३० जना कोरोना भाइरसका संक्रमित थपिएका छन् । पछिल्लो २४ घण्टामा देशभर ५३०० जनाको पिसिआर परिक्षणमा १७७ महिला र २५३ पुरुषसहित ४३० जनामा संक्रमण पुष्टि भएको हो । योसँगै हालसम्म नेपालमा २ लाख ६५ हजार ६९८ संक्रमितको संख्या पुगेको छ ।
स्वास्थ्य तथा जनसंख्या मन्त्रालयका अनुसार मंगलबार ३९० जना कोरोना संक्रमणबाट निको भएर डिस्चार्ज भएसँगै निको हुनेको संख्या २ लाख ५९ हजार ३५८ पुगेको छ । देशभरी सक्रिय संक्रमितको संख्या भने ४ हजार ४०८ छ ।
मन्त्रालयका अनुसार हालसम्म क्वारेन्टाइनमा रहनेको संख्या २३७ रहेको छ । कोरोना संक्रमणबाट थप ५ जनाको मृत्यु भएसंगै हालसम्म संक्रमणबाट मृत्यु हुनेको संख्या १ हजार ९३२ जना रहेको छ ।
