एजेन्सी । चलचित्र निर्माता करण जोहर आज अर्थात मे २५ मा ५२ वर्षका भएका छन् । यो विशेष अवसरलाई थप विशेष बनाउन उनले भव्य पार्टी आयोजना गरेका थिए । यस अवसरमा सिने जगतका धेरै स्टारहरू उपस्थित समेत रहेका थिए ।

जन्मदिनको अवसरमा करणले आफ्ना फ्यानहरुलाई पनि ठूलो उपहार दिएका छन् । उनले इन्स्टाग्राममा आफ्नो नयाँ तस्विर शेयर गरेका छन् । तस्विरमा करणले सेतो शर्ट लगाएको र हातमा नोटबुक लिएको देखिन्छ । नोटबुकको कभरमा ‘अनटाइटल नेरेसन ड्राफ्ट । करण जोहर द्वारा निर्देशित। २५ मे २०२४’ लेखिएको छ। करण जोहरले यसको क्याप्सनमा लेखेका छन्, ‘गेट सेट गो’।

करण जोहरले आफ्नो जन्मदिनको विशेष अवसरमा नयाँ फिल्मको घोषणा गरेका हुन्।

https://www.instagram.com/p/C7YZorZSdXZ/?utm_source=ig_embed&ig_rid=8a9bcc24-7777-4b67-9e8f-7974e607f489

सेलेब्ससँगै फ्यानले पनि करणलाई यो पोस्टमा बधाई दिइरहेका छन् । यसका साथै फ्यानहरुले शाहरुख खान र काजोललाई एकपटक फेरि सिल्भर स्क्रिनमा ल्याउनुपर्ने बताएका छन् । इन्स्टाग्राममा मलाइका अरोरा, कृति सेनन, मनिष मल्होत्रा, गुनीत मोंगा, नेहा धुपिया र किम शर्मा जस्ता स्टारहरूले करण जोहरलाई बधाई दिएका छन्।

रकी र रानीको प्रेम कहानी पछि यो करण जोहरको अर्को फिल्म बन्न लागेको हो ।