काठमाडौँ । प्रधानमन्त्रीसहित मन्त्रीहरूको सम्पत्ति विवरण सार्वजनिक गरिएको छ ।
मन्त्रिपरिषद्को निर्णयअनुसार प्रधानमन्त्री तथा मन्त्रिपरिषद्को कार्यालयले प्रधानमन्त्रीसहित मन्त्रीहरूको सम्पत्ति विवरण सार्वजनिक गरेको हो ।
सार्वजनिक सम्पत्ति विवरण अनुसार युवा तथा खेलकुदमन्त्री विराजभक्त श्रेष्ठले सार्वजनिक गरेको सम्पत्ति विवरणमा एक करोड बढीको शेयरमा लगानी रहेको देखिएको छ ।
श्रेष्ठको नाममा विभिन्न कम्पनीको १५ हजारभन्दा धेरै कित्ताको मूल्य एक करोड ९ लाख बराबरको शेयर रहेको उल्लेख छ । त्यस्तै, उनको अचल सम्पत्तिमा १५ तोला सुन र ५० तोला चाँदी रहेको उल्लेख छ ।
मन्त्री श्रेष्ठको विभिन्न आठ वटा बैंकमा ८३ लाख ७२ हजार ७५४ रुपैयाँ बचत रहेको विवरणमा देखिएको छ । श्रेष्ठले सो रकम स्वआर्जन भएको उल्लेख गरेका छन् ।
उनीसँग ८५ लाखको टोयटाको ल्याण्ड क्रुजर र १९ लाख ७५ हजारको एमजी विद्युतीय गाडी रहेको जनाएका छन् भने एउटा ३ लाख ६४ हजारको स्कुटर रहेको छ ।
यस्तो छ पूर्ण विवरणः
[pdf-embedder url=”https://newspolar.com/wp-content/uploads/2024/05/birajbhakta-shrestha.pdf”]
