एजेन्सी । ज्याक फ्रेजर म्याकगर्कले अन्ततः अष्ट्रेलियाको टोलीमा मौका पाएका छन् । आईपीएल २०२४ मा आफ्नो ब्याटले बलरमा डर जगाउने ज्याक फ्रेजर म्याकगर्कलाई अष्ट्रेलियाले आगामी टी–२० विश्वकपका लागि रिजर्भ खेलाडीको रुपमा समावेश गरेको छ ।
म्याकगर्कका अलावा स्पिनर म्याट सर्टलाई पनि रिजर्भ खेलाडीको रुपमा समावेश गरिएको छ ।
आईपीएल २०२४ मा ज्याक फ्रेजरले तुफान प्रदर्शन गरेका थिए । दिल्ली क्यापिटल्सबाट खेल्ने म्याकगर्कले मात्र ९ खेलमा ३३० रन बनाए, जसमा उनको स्ट्राइक रेट २३४.०४ थियो । जब अष्ट्रेलियाले टी–२० विश्वकप २०२४ को लागि प्रारम्भिक टोली घोषणा गर्दा ज्याक फ्रेजरलाई समावेश गरिएको थिएन ।
अष्ट्रेलियाका मुख्य प्रशिक्षक एन्ड्रयु म्याकडोनाल्डले फ्रेजर अन्तिम १५ मा स्थानका लागि गम्भीर दावेदार रहेको बताए । उनले भने कि म्याकगुर्क शीर्ष–१५ मा छनोट भएनन् किनभने शीर्ष क्रम अनुभवी खेलाडीहरूले भरिएको छ, जसमा डेभिड वार्नर, ट्राभिस हेड, मिचेल मार्स र क्यामरन ग्रीन जस्ता नामहरू छन् ।
अष्ट्रेलियाले आगामी टी–२० विश्वकपमा आफ्नो अभियान ६ जुनमा ओमानविरुद्ध खेल्दै सुरु गर्नेछ ।
अष्ट्रेलिया टोलीः मिचेल मार्स (कप्तान), एस्टन आगर, प्याट कमिन्स, टिम डेभिड, नाथन एलिस, क्यामरन ग्रीन, जोस हेजलवुड, ट्राभिस हेड, जोस इंग्लिस, ग्लेन म्याक्सवेल, मिचेल स्टार्क, मार्कस स्टोइनिस, म्याथ्यू वेड, डेभिड वार्नर र एडम जाम्पा ।
ट्राभलिङ रिजर्भ – ज्याक फ्रेजर म्याकगर्क र म्याट शर्ट ।
