काठमाडौ । नेपाल भारत परराष्ट्रमन्त्री स्तरीय संयुक्त आयोगको बैठक भारतको राजधानी नयाँदिल्लीमा स्थित हैदरावाद हाउसमा बस्दैछ । बैठकमा नेपाली टोलीको नेतृत्व परराष्ट्रमन्त्री प्रदीपकुमार ज्ञवालीले गर्नुहुने छ भने भारतीय पक्षको नेतृत्व भारतीय विदेशमन्त्री यस जयशंकरले गर्नुहुने छ ।
नेपाली टोलीमा मन्त्री ज्ञावली सहित टोलीमा परराष्ट्र सचिव भरतराज पौडेल , राजदूत निलाम्बर आचार्य ,स्वास्थ्य सचिव लक्ष्मण अर्याल परराष्ट्र मन्त्रालयको दक्षिण एशिया हेर्ने महाशाखा प्रमुख यज्ञवहादुर हमाल, वाणिज्य तथा आपूर्ति मन्त्रालयका सहसचिव प्रकाश दाहाल,विद्युत विकास विभागका प्रमुख नविनराज सिंह, भौतिक पुर्वाधार विकास मन्त्रालयका सहसचिव रामहरी पोखरेल र अर्थ मन्त्रालयका सहसचिव श्रीकृष्ण नेपाल सहभागी हुनुहुने छ ।
यसै गरी वार्ता टोलीमा गृहमन्त्रालयका सहसचिब चक्रबहादुर बुढा, नापी बिभागका महानिर्देशक प्रकाश जोशी गृहमन्त्रालयका सहसचिव चक्रवहादुर बुढा, नापी विभागका महानिर्देशक प्रकाश जोशी, परराष्ट्र मन्त्रालयका उपसचिव लोकवहादुर पौडेल सहभागि हुनुहुने छ । बैठकमा सहभागि हुनु परराष्ट्रमन्त्री प्रदीपकुमार ज्ञवाली बिहिबार दिल्ली पुग्नु भएको छ। परराष्ट्रमन्त्री स्तरीय संयुक्त आयोगको बैठकमा नेपालल जारी गरेको नक्सा , कोरोना बिरुद्धको खोप लगायतका बिषयमा कुराकानी हुने जनाईएको छ ।
