काठमाडौं । प्रतिनिधि सभा विघटनविरुद्धका रिट सोमवारपनि हेर्दाहेर्दैमा राखेर सकिएको छ । सोमवार भएको सुनुवाइमा दुई अधिवक्ताले मात्र बहस गरेका हुन् ।
अधिवक्ता दीनमणि पोखरेल र सरोजकृष्ण घिमिरेले बहस गरेपछि आजको सुनुवाइ सकिएको हो । एउटै अधिवक्ताले घण्टौं बहस गरेमा प्रतिनिधिसभा विघटनविरुद्धका रिटमाथिको सुनुवाइ हप्तौं जाने सम्भावना देखिएको छ ।
प्रतिनिधि सभा विघटनविरुद्ध परेका रिटमाथिको बहसका लागि १ सय ८८ जना कानून व्यवसायीले वकालत गर्ने भएका छन् ।
प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासमा न्यायाधीशहरू सपना प्रधान मल्ल, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी छन् ।
मन्त्रिपरिषद्को सिफारिशमा राष्ट्रपति विद्या भण्डारीले पौष ५ गते प्रतिनिधिसभा विघटन गरी वैशाख १७ र २७ गतेका लागि निर्वाचन घोषणा गरेकी थिइन् ।
