एजेन्सी । दक्षिण भारतीय फिल्म उद्योगका सुपरस्टार अल्लु अर्जुन ‘पुष्पा २’ लाई लिएर चर्चामा छन् । हालै यो चलचित्रको पहिलो गीत रिलिज भएको छ, जसमा अभिनेताको ‘स्वाग’ले मानिसको मन जितेको छ ।
यस फिल्मको चर्चाबीच अल्लु अर्जुनको बारेमा एउटा नराम्रो खबर बाहिर आएको छ । आन्ध्र प्रदेश प्रहरीले उनीविरुद्ध मुद्दा दर्ता गरेको छ ।
लोकसभा चुनावसँगै आन्ध्र प्रदेशमा विधानसभाको चुनाव पनि हुन लागेको छ । अल्लु अर्जुनका साथी र वाईएसआरसीपी विधायक शिल्पा रवि नानघल सीटबाट उम्मेदवार हुन् । यस्तो अवस्थामा आफ्नो चुनावी प्रचारको अन्तिम दिन अभिनेता आफ्ना साथीलाई समर्थन गर्न पुगेका थिए । तर उनको आगमनपछि विधायकको घरबाहिर ठूलो भीड जम्मा भएको थियो ।
अल्लु अर्जुनको एक झलक पाउन विधायकको घरबाहिर ठूलो भीड जम्मा भएको थियो । यसले अवस्था बिग्रियो । भीड नियन्त्रण गर्न गाह्रो भयो । आन्ध्र प्रदेशमा चुनावी माहोलका कारण आचारसंहिता लागू भएको छ । यस्तो अवस्थामा विधायकको घरबाहिर अभिनेताका लागि भीड जम्मा भएको जानकारी प्राप्त हुनासाथ प्रहरीले कडा कारबाही गरेको थियो ।
अभिनेताविरुद्ध मुद्दा दर्ता भएको छ । अल्लु अर्जुन विधायकको घरबाहिर फ्यानहरुलाई आफ्नो झलक देखाउन समेत गएको जानकारी आएको छ ।
अल्लु अर्जुनले आफ्ना साथी शिल्पा रविचन्द्र किशोर रेड्डीलाई सपोर्ट गर्न यहाँ आएको बताए । उनले भने – म उहाँलाई समर्थन गर्न यहाँ छु र मेरो शुभकामना उहाँसँग छ ।’
