एजेन्सी । बलिउड अभिनेता मिथुन चक्रवर्तीले अभिनेता सलमान खानले कहिल्यै बिहे नगर्ने बताएका छन् । उनका अनुसार सलमान निकै शरारती स्वभावका छन् ।
केटीहरुको मजाक मात्रै बनाउँछन् । यससँगै केटीहरू पनि उनको व्यक्तित्वबाट मोहित हुन्छन् र विवाहको सपना देख्न थाल्छन् ।
मिथुनले सलमानले उनलाई धेरै माया गर्ने बताएका छन् । सुटिङको क्रममा सलमानले उनलाई राती पनि एक्लै छोड्दैनन्, रमाइलो र ठट्टा गरिरहन्छन् ।
जब टिभी रियालिटी शो सारेगामापाका प्रस्तोता आदित्य नारायणले मिथुनलाई ज्याकी श्राफ, सलमान खान, सञ्जय दत्त र अक्षय कुमारमध्ये कसले सबैभन्दा बढी समस्यामा परेको छ भनेर सोध्दा मिथुन चक्रवर्तीले ‘सलमान खान’ भने ।
यसपछि मिथुनले भने, ‘सलमानले कहिल्यै बिहे गर्दैनन् तर सबैलाई खुराक दिन्छन् (उनी केटीहरूलाई बेवकूफ बनाउँछन्) । एकै समयमा केटीहरू सोच्छन् कि यस्तो सुन्दर सुपरस्टार छ र उसले उनीहरूसँग विवाह गर्नेछ । तर यो भाइले त्यसो गर्दैन, म ग्यारेन्टी दिन्छु कि उसले गर्दैन ।’
सलमानको कामको कुरा गर्ने हो भने उनी पछिल्लो पटक कट्रिना कैफसँग फिल्म टाइगर ३ मा देखिएका थिए । उनी आगामी वर्ष रिलिज हुन लागेको फिल्म सिकन्दरमा देखिनेछन् ।
