• ९ जेष्ठ २०८१, बुधबार
  •      Wed May 22 2024
  •   Unicode
Logo
Latest
★   आईपीएलः बैंगलोरलाई हराउँदै राजस्थान क्वालिफायर २ मा, फाइनल पुग्न हैदरावादसँग भिड्ने ★   वीर अस्पतालको अनुगमनमा जे देखियो… ★   सद्भाव फैलाउन बुद्ध शिक्षामा विश्वास गरौँ : प्रधानमन्त्री ★   स्वयम्भूनाथ परिसरमा सागा दावाको उत्सव-फोटो फिचर ★   गृहमन्त्री लामिछानेमाथि छानबिन गर्न राप्रपाको माग ★   पृथ्वीको तापक्रम १.५ डिग्री माथि बढ्न नदिन सबैको पहल आवश्यक ★   श्रीराम चिनी मिलको समस्या समाधान गर्न कार्यदल ★   गृहमन्त्री र महान्यायाधिवक्ताविरुद्ध रिट दर्ता गर्न सर्वोच्चको आदेश ★   सन्दीपलाई लिएर क्यान सचिव पारस अमेरिकी दूतावासमा ★   राज्यका निकायप्रति नागरिकको विश्वास बढाउन सकिएन स्वतः बढ्ने निरासाले आक्रोश जन्माउँछ: गृहमन्त्री लामिछाने

मध्यराति आइपुगे उपेन्द्र, आज संसदीय दलको बैठक, सरकारबाट बाहिरिने तयारी



काठमाडौं । जनता समाजवादी पार्टी नेपालका अध्यक्ष उपेन्द्र यादव अमेरिका भ्रमण पूरा गरी गएराति स्वदेश फर्किनुभएको छ । विदेश जाँदा सग्लो पार्टी छाडेर हिँड्नु भएका यादव स्वदेश फर्किंदा दुई टुक्रा भइसकेको छ ।

कतार एयरवेजको जहाजबाट राति १ बजे उहाँ काठमाडौं आइपुग्नुभएको हो । उहाँलाई विमानस्थलमा स्वास्थ्य मन्त्रालयका केही कर्मचारी र जसपा कार्यकर्ताले स्वागत गरेका थिए ।

अप्रिल ३० देखि मे ३ तारिखसम्म यूएन सेक्रेटरियट न्यूयोर्कमा भएको विश्व जनसंख्यासम्बन्धी सम्मेलनमा नेपालको प्रतिनिधित्व गर्दै गत शनिबार बेलुकी यादव अमेरिका जानुभएको थियो । तर एक सातामा नेपाल फर्किँदा यादवले पार्टी विभाजन भइरहेको थियो ।

यादवले कार्यवाहक अध्यक्षको जिम्मेवारी दिनुभएका अशोक राई नै पार्टी विभाजन गर्नुभएको हो । जसपाका १२ मध्ये ७ जना सांसद नयाँ पार्टीमा लागेका छन् । यादवको पक्षमा अब प्रतिनिधिसभामा ५ सांसद मात्र रहने छन् ।

पार्टी विभाजनको पीडाका बीच अध्यक्ष यादवले आजै संसदीय दलको बैठक बोलाउनुभएको छ । प्रतिनिधिसभा र राष्ट्रिय सभामा रहेका आफ्ना सबै सांसदलाई उपस्थितिका लागि भनिएको छ । आजको बैठकले पार्टी विभाजनको समीक्षा गर्ने छ ।

सत्ता सहयात्री दलहरु नेकपा एमाले र नेकपा माओवादी केन्द्रका कारण आफ्नो दल विभाजित भएको बुझाइ यादवको छ । उहाँले आजै उपप्रधान तथा स्वास्थ्यमन्त्रीको पदबाट राजीनामा दिने र सरकारलाई दिएको समर्थन पनि फिर्ता लिने सम्भावना रहेको स्रोतको दाबी छ । यसअघि अध्यक्ष यादवले प्रधानमन्त्री पुष्पकमल दाहालसँग पनि छलफल गर्ने बताइएको छ ।