मेलबर्नः यस वर्षको अस्ट्रेलियन ओपनमा महिला तर्फको फाइनलमा आस्ले बार्टी र डानियल कोलिन्स पुगेका छन् ।
आज भएका सेमिफाइनलमा अस्ट्रेलियाली खेलाडी विश्व नं. १ आस्ले बार्टीले अमेरिकी युवती म्याडिसन की लाई ६–१, ६–३ को सोझो सेटमा सहजै पराजित गरेकी थिइन् ।
सन् १९८० मा अस्ट्रेलियाली महिला वेन्डी टर्नबुलले अस्ट्रेलियन ओपनको फाइनलमा प्रवेश गरेयता पहिलो पटक बार्टी फाइनलमा पुगेकी हुन् । सन् १९७८ यता कुनै पनि अस्ट्रेलियाली खेलाडीले अस्ट्रेलियन ओपन जितेका छैनन् ।
आजै भएको अर्को खेलमा २७औं वरियताकी अमेरिकी सुन्दरी डानियल कोलिन्सले सातौं वरियताकी इगा स्वाइटेकलाई ६–४, ६–१ को सोझो सेटमा पराजित गरेर फाइनलमा प्रवेश गरिन् ।
यी दुई बीच शनिबार फाइनल खेल हुनेछ । AP
