• २ असार २०८१, आईतवार
  •      Sun Jun 16 2024
  •   Unicode
Logo
Latest
★   निर्वाचन आयोगको आयुक्तमा कृष्णमान प्रधान सिफारिस ★   टी-२० विश्वकप खेल्ने राष्ट्रिय खेलाडीलाई जनही १३ लाख पुरस्कार ★   पदयात्रा गरी बिदा मनाउने स्थलका रुपा परिचित हुँदै वाग्द्वार ★   सरकारले केही व्यापारिक घरानाले कर छल्न सक्नेगरी बजेट ल्यायो: डा. आरजु राणा ★   सलमान खानको अपार्टमेन्ट बाहिर फाईरिङ​ भएको घटनामा थप एक जना पक्राउ ★   प्रधानमन्त्रीसँग सिपिपिसिसीका उपाध्यक्षको शिष्टाचार भेट ★   मुलुक बाहिर बसेर आर्जन गरेको ज्ञान, सीप र पुँजी नेपाल भित्र्याउन गैर आवासीय नेपालीलाई महासंघ… ★   नर्वेद्वारा युक्रेनलाई १० करोड ३० लाख डलर सहयोग ★   मेलाबाट भएको आम्दानीबाट पर्यटन पूर्वाधार निर्माण ★   गजुरीदेखि चौतारा जोड्ने सडक कालोपत्र सुरु

बैंगलोरको लगातार तेस्रो जित, प्लेअफको सम्भावना कायमै



काठमाडौँ । रोयल च्यालेन्जर्स बैंगलोरले आईपीएल–२०२४ मा लगातार तेस्रो जित हात पारेको छ ।

टोलीले चालू सिजनको ५२औं खेलमा गुजरात टाइटन्सलाई ४ विकेटले पराजित गरेको हो । यो जितसँगै बैंगलोरले प्लेअफको सम्भावना जीवितै राखेको छ ।

एम चिन्नास्वामी स्टेडियममा शनिबार भएको खेलमा बैंगलोरले टस जितेर बलिङ रोजेको थियो । गुजरात १९.३ ओभरमा १४७ रनमा अलआउट भयो । बैंगलोरले १३.४ ओभरमा ६ विकेटको क्षतिमा लक्ष्य पुरा गरेको थियो । खेलको प्लेयर अफ द म्याच मोहम्मद सिराज भए । उनले २९ रनमा २ विकेट लिए ।

जीटीबाट राहुल तेवाटिया ३५ रन, डेभिड मिलर ३० रन, शाहरुख खान ३७ रन बनाएर आउट भए । राशिद खानले १८ रन बनाए । बैंगलोरका मोहम्मद सिराज, विजयकुमार वैशाख र यश दयालले २–२ विकेट लिए ।

आरसीबीका कप्तान फाफ डु प्लेसिसले २३ बलमा ६४ रन बनाए भने विराट कोहलीले २७ बलमा ४२ रन बनाए । दुबैले ९२ रनको ओपनिङ पार्टनरसिप गरे । गुजरातका जोसुवा लिटिलले ४ विकेट लिए भने नूर अहमदले २ विकेट लिए ।