काठमाडौं । नेपाली काँग्रेसका सहमहामन्त्री डा. प्रकाशशरण महतले वर्तमान कम्युनिष्ट सरकारको अत्याचार र असंवैधानिक कमदका विरुद्धमा आन्दोलनमा उत्रिन सबै नेपालीलाई अपिल गर्नुभएको छ ।
उहाँले आज ओली नेतृत्वको सरकारले गरेको संसद विघटन असंबैधानिक कदम विरुद्ध नेपाली कांग्रेस टोखा नगरपालिका वडा नं ४, ५, ६ र ७ समितिद्वारा संयुक्त रुपमा आयोजित बिरोध सभामालाई सम्बोधन गर्दै उहाँले भन्नुभयो, 'यो सरकार संविधान विरोधी र अत्याचारी हो, यसका विरुद्धमा लाग्न सबै नेपलीलाई म अपिल गर्दछु ।'
'नेपाली कांग्रेसका सहमहामन्त्री डा.महतले काँग्रेस अहिले संसद विघटन गरेर मात्र होइन कि गत मंसिर २९ गतेदेखि नै आन्दोलनमा छ । यो सरकारले आफ्नो सत्ता स्वार्थमा संसदीय व्यवस्था सिद्धाउने खेलमा लागेको कुरा काँग्रेसलाई पहिले नै थाहा थियो त्यसैले काँग्रेसले सरकारका विरुद्धमा आन्दोलन शुरु गरेको हो' उहाँको भनाई थियो ।
'यो सरकारबाट देशको हित नहुने भन्दै काँग्रेसले आन्दोलनको घोषणा गर्दा सरकारलाई काम गर्न नदिएको भनियो तर अहिले देखियो कि पार्टीका आन्तरिक झगडामा देशको लोकतान्त्रिक व्यवस्थाको कसले हुर्मत लियो' उहाँको भनाई थियो ।
काँग्रेसले प्रधानमन्त्री ओलीको संसद विघटनको कदमका विरुद्धमा आन्दोलनमा होमिएको भन्दै यस आन्दोलनलाई सदुपयोग गर्ने र सर्वोच्च अदालतले संसद पुनर्थापना गर्यो भने निर्वाचनमा जाने पनि उहाँले बताउनुभयो ।
