काठमाडौ । प्रतिनिधिसभा विघटन सम्बन्धी मुद्दाको बहस सर्वाेच्च अदातलतको संवैधानिक इजलासमा सुरु भएको छ ।
इजलास सुरु भएसँगै प्रधानन्यायाधीश चोलेन्द्र शम्शेर जबराले रिट निवेदकका तर्फबाट बहस गरिरहेका कानून व्यवसायीहरुलाई समयको ख्याल गर्दै बहस छोटो गर्न आग्रह गर्नु भएको छ । झण्डै ३०० भन्दा कानून व्यवसायीले बहसका लागि नाम टिपाएका छन् ।
एकै कानून व्यवसायीले बहसका लागि लामो लामो समय लिँदा रिटको फैसला हुन निकै समय लाग्ने भएपछि प्रधानन्यायाधीशले बहस छोटो गर्न आग्रह गर्नुभएको हो ।
शुक्रबार रिट निवेदकका तर्फबाट बहस गर्न लाग्नु भएका कानुन व्यवसायी कोपिलप्रसाद अधिकारीलाई प्रधानन्यायाधीश राणाले १० मिनेटमा बहस सक्न आग्रह गरेपछि अधिकारीले आफू नाम मात्र लेखाउन नआएको भन्दै १५ मिनेट दिन आग्रह गर्नुभएको थियो । कानून व्यवसायीको आग्रह पनि प्रधानन्यायाधीश राणाले भन्नुभयो, 'दुई महिना लिन्छौं भने पनि दिन्छौं तर मुद्दा निरुपण गर्नुपर्ने हताराे पनि छ ।'
यसैबीच महान्यायाधीवक्ता अग्नि खरेलले प्रतिनिधिसभा विघटन सम्बन्धी राजपत्रमा प्रकाशित सूचना इजलास समक्ष पेश गर्नु भएको छ । बिहीबारको बहसमा अधिवक्ता टिकाराम भट्टराईले सरकारले राजपत्रमा समेत सूचना प्रकाशन गरेर औपचारिक जानकारी नगराएका कारण प्रतिनिधिसभा विघटनको निर्णय बदर हुनु पर्ने माग गर्नु भएको थियो ।
