• ३२ जेष्ठ २०८१, शुक्रबार
  •      Fri Jun 14 2024
  •   Unicode
Logo
Latest
★   उत्तराखण्डको वन्यजन्तु आरक्षणमा आगलागी हुँदा चार वन अधिकारीको मृत्यु ★   व्यास नगरपालिकाका मेयरको मतगणना तत्काल नगर्न आदेश ★   सय दिनमा गृहमन्त्री लामिछानेले के–के काम गरे ? (पूर्णपाठ) ★   सय दिन पुगेको अवसरमा गृह मन्त्रालयले सञ्चालनमा ल्यायो ‘एक्सन एण्ड कन्ट्रोल’ रुम ★   सहकारीको नियमनका लागि शक्तिशाली आयोग गठन गर्ने निर्णय आगामी मन्त्रिपरिषद्ले गर्छ: मन्त्री अधिकारी ★   पदमुक्त भए गण्डकीका मन्त्री देवकोटा ★   ३७ वर्षपछि न्युजिल्यान्ड समूह चरणबाटै बाहिरियो, टी–२० विश्वकपमा भने पहिलोपटक ★   २०८३ चैतसम्म काठमाडौँ–तराई/मधेस द्रुतमार्गबाट सवारी गुड्छन्: मन्त्री उप्रेती ★   गोलीबारी मामिलामा सलमानले भने – मलाई निशाना बनाइएको छ ★   नेपाल टेलिकमले ल्यायो जिएसएम मोबाइल तथा एफटिटिएचमा आकर्षक प्याकेज

ऋषभ पन्तबारे शाहरुख खान भन्छन् – उ मेरो छोरा जस्तै हो



एजेन्सी । बलिउड स्टार शाहरुख खान यतिबेला क्रिकेट मैदानमा देखिन्छन् । उनी आईपीएलको खेलमा आफ्नो टोली केकेआरलाई समर्थन गरिरहेको देखिन्छ ।

यसैबीच, उनले ऋषभ पन्तको कार दुर्घटनाको बारेमा कुरा गरे । शाहरुख आज पनि क्रिकेटरको लागि चिन्तित छन् । उनी आफ्नो छोरा जस्तै रहेको शाहरुखले प्रतिक्रिया दिएका छन् ।

ऋषभ पन्त इन्डियन प्रिमियर लिग २०२४ मा दिल्ली टिमको कप्तानको रुपमा खेलिरहेका छन् । कार दुर्घटनाबाट निको भएर क्रिकेटरले पुनरागमन गरेका छन् । यस्तो अवस्थामा उनका समर्थकहरु निकै खुसी छन् । यो खुशीमा शाहरुख खान पनि सामेल छन् ।

कोलकाता नाइट राइडर्सका मालिक शाहरुख खानले हालै स्टार स्पोर्ट्ससँग कुरा गरेका छन् । यसै क्रममा उनले ऋषभ पन्तको कार दुर्घटना देखेर कस्तो महसुस भएको भन्नेबारे बताए । उनले क्रिकेटरको घुँडाको चोटको बारेमा पनि चिन्ता व्यक्त गरे ।

शाहरुख खानले ऋषभ पन्तलाई आफ्नो छोरा जस्तै भनेका छन्, शाहरुखले ऋषभ पन्तको दुर्घटनाग्रस्त कारको तस्बिर देख्दा आफू डराएको पनि बताए । शाहरुखले भने, ‘मैले कारको भिडियो, सीसीटीभी फुटेज हेरेँ, हेरेपछि म डराएँ । के भयो थाहा छैन, यस्तो अवस्थामा धेरै नराम्रा विचार आउँछन् । यो उमेरका केटाहरू मेरा छोराहरू जस्तै छन् । मेरो टिममा पनि यस्ता पन्तजस्ता युवा स्टारहरु धेरै छन् । ऋषभ आफै पनि धेरै युवा छन् ।’

उनले थप भने, ‘मलाई लाग्छ कि उसलाई चोट नलागोस्, किनकि एक खेलाडीका लागि चोट लाग्नु झनै खराब हुन्छ, यो दोहोरो समस्या हो । ऋषभ निको भएको राम्रो छ । मलाई आशा छ उनको घुँडा ठीक हुनेछ । मैले उनलाई नउठ्न भनेको थिएँ, किनभने उनको घुँडामा दुखाइ हुनेछ, ऋषभ फर्किएकोमा म खुसी छु र उसले राम्रो खेल्नेछ ।’