काठमाडौं । राप्रपा नेपालका अध्यक्ष कमल थापाले संघीय धर्मनिरपेक्ष गणतन्त्र असफल भएको बताएका छन् ।
अठार वर्षको अनुभवबाट प्रमाणित तितो सत्य स्विकार्न हिनताबोध गर्न नहुने भन्दै थापाले असफल भएको गणतन्त्र लुटतन्त्रमा परिणत भएको समेत टिप्पणी गरे ।
आज पार्टीको काठमाडौं -८ क्षेत्रीय समितिले नरदेबिमा आयोजित कार्यक्रममा बोल्दै थापाले लोकतन्त्रको विकल्प उन्नत लोकतन्त्र हुने भन्दै नेपालको भूराजनीतिक अवस्था र सामाजिक साँस्कृतिक परिवेशमा उन्नत लोकतन्त्र भनेको राजसंस्थासहितको लोकतन्त्र भएको समेत टिप्पणी गरे।
धर्म,संस्कृती र पहिचान रक्षाको निमित्त काठमाडौंबासी एकपटक जुरुक्क उठ्नुपर्ने समय आएको भन्दै थापाले मनपरितन्त्र र लुटतन्त्रको अन्त्यको लागि आन्दोलनको आबश्यकतामा समेत उनले जोड दिए । काठमाडौं -८ को क्षेत्रीय कार्यालयको उद्घाटन समेत गरेका अध्यक्ष थापाले विभिन्न ब्यक्तिहरुलाई पार्टीमा स्वागत गरेका थिए । कार्यक्रममा पार्टीका नेताहरु राजाराम बर्तौला,यबती कार्की , हिक्मतजङ्ग भण्डारी,यबती कार्की,सुनिता कुरुङ्गवाङ,श्याम घिमिरे लगायतको उपस्थिति रहेको थियो ।
