• ७ जेष्ठ २०८१, सोमबार
  •      Mon May 20 2024
  •   Unicode
Logo
Latest
★   कांग्रेस केन्द्रीय कार्यसमिति र संसदीय दलको संयुक्त बैठक बुधबार ★   केकेआरले रच्यो इतिहास, अब तेस्रो उपाधिको पर्खाइमा ★   बाँदरको हैरानी झेल्न नसकेर खास्टेतालपारीका किसान कागतीखेतीमा ★   तेह्र खर्बको आयात, एक खर्ब २६ अर्बको निर्यात ★   नेताहरुको कुर्सी मोहका कारण मुलुक कमजोर अवस्थामा पुग्यो: विप्लव ★   कसैलाई आरोप लगाएको छैन, समाचार सदनमा पढेर सुनाएको हुँ – गृहमन्त्री ★   गेललाई जर्सी उपहार दिँदै कोहलीले भने – काका अर्को सिजन आईपीएलमा फर्किनु ★   कोरियन नागरिकको सहयोगमा विद्यालयमा शौचालय ★   वडाध्यक्षलाई विद्यार्थीको प्रश्न: ‘खेल्ने सामग्री कसले दिन्छ ?’ ★   सुर्खेत बस दुर्घटना: दुईजनाको मृत्यु, २१ घाइते

‘हार्दिक पाण्ड्याको लय भारतका लागि ठूलो समस्या’



एजेन्सी । पूर्व भारतीय क्रिकेटर इरफान पठानले मुम्बई इन्डियन्सका कप्तान हार्दिक पाण्ड्यालाई लिएर ठूलो बयान दिएका छन् । हार्दिक पाण्ड्या आईपीएलमा सोमबार राजस्थान रोयल्स र मुम्बई इन्डियन्स बीच खेलिएको खेलमा रन बनाउन संघर्ष गरिरहेको देखिन्थे ।

७ नम्बरमा ब्याटिङ गर्न आएका पाण्ड्या १० बलमा १० रन बनाएर सस्तोमा प्याभिलियन फर्किए । मुम्बई इन्डियन्सले राजस्थान रोयल्ससँग फेरी हार बेहोर्यो । हालको सिजनमा मुम्बईले ८ खेलमध्ये ३ खेल मात्र जितेको छ । यसपछि हार्दिक पाण्ड्या आलोचनाको सामना गरिरहेका छन् ।

इरफान पठानले हार्दिक पाण्ड्याको फर्मको बारेमा चिन्ता व्यक्त गरेका छन् । उनले भने, ‘हार्दिक पाण्ड्या कस्तो फर्ममा छन्, त्यो टी–२० विश्वकपका लागि भारतका लागि ठूलो समस्या हो ।’

इरफानले हार्दिक पाण्ड्याको ब्याटबाट शक्तिशाली प्रहार गर्ने क्षमता घट्दै गएको बताउँदै यसलाई ठूलो समस्या भनेका छन् । वानखेडेमा उनी फरक थिए, तर कम सपोर्ट भएको पिचमा उनी रन बनाउन संघर्ष गरिरहेका छन् ।

हार्दिक पाण्ड्याले आईपीएल २०२४ मा अहिलेसम्म ८ खेल खेल्दै १५१ रन बनाएका छन् । हार्दिकको हालको स्ट्राइक रेट १४२ रहेको छ । मुम्बई इन्डियन्सका कप्तान हार्दिक पाण्ड्या २१ को औसतमा ब्याटिङ गरिरहेका छन् । गत आईपीएल सिजनमा हार्दिकले १६ खेलमा ३ सय ४६ रन बनाएका थिए ।