काठमाडौं । मन्त्रिपरिषद्को बैठक आज बस्दै छ । प्रधानमन्त्री तथा मन्त्रिपरिषद्को कार्यालयमा बिहान १० बजे बैठक बोलाइएको हो ।
बैठकमा वैशाख १६ र १७ गते हुने लगानी सम्मेलनका लागि आवश्यक अध्यादेश ल्याउनेबारे छलफल हुने छ । लगानी सम्मेलनका लागि १२ वटा कानुन संशोधन गर्न अध्यादेश ल्याउने तयारी सरकारको छ ।
यसैगरी बैठकमा भोलिदेखि हुन लागेको कतारका राजा मोहमद तमिम बिन हमाद अल थानीको दुई दिने नेपाल भ्रमणका विषयमा छलफल हुने बताइएको छ ।
बैठकमा संघीय संसद्को बजेट अधिवेशन आह्वानका विषयमा पनि छलफल हुने छ ।
