काठमाडौँ । आईपीएलमा गुजरात टाइटन्सले चौथो जित दर्ता गरेको छ । टोलीले चालू सिजनको ३६औं खेलमा पञ्जाब किंग्सलाई ३ विकेटले पराजित गर्यो । पञ्जाब भने लगातार चौथो खेलमा पराजित भएको छ ।
घरेलु मैदान मुल्लानपुरमा पिबिकेएसले टस जितेर पहिले ब्याटिङ रोजेको थियो । टिम २० ओभरमा १४२ रन बनाएर अलआउट भयो । जीटीले १९.१ ओभरमा ७ विकेट गुमाएर १४३ रनको लक्ष्य पुरा गर्यो । खेलको प्लेयर अफ द म्याच साई किशोर भए । उनले ४ ओभरमा ३३ रन दिएर ४ विकेट लिए ।
पञ्जाबका लागि प्रभसिमरन सिंहले सर्वाधिक ३५ रन बनाए । हरप्रीत ब्रारले २९ रन र साम करनले २० रनको योगदान दिए । साई किशोरले ४ विकेट लिए । त्यस्तै मोहित शर्मा र नूर अहमदले २–२ विकेट लिए ।
रनको लक्ष्यमा जीटीका कप्तान शुभमन गिलले ३५ रन र साई सुदर्शनले ३१ रन बनाए भने राहुल तेवाटियाले ३६ रन बनाएर अविजित रहे । उनले चौका प्रहार गर्दै टोलीलाई जित दिलाए । पञ्जाबका हर्षल पटेलले ३ विकेट लिए भने लियाम लिभिङ्स्टनले २ विकेट लिए ।
