काठमाडौं । भ्लगर रतन कार्कीको युट्युब च्यानल ह्याक भएको छ । कार्कीको पाँच लाख ६५ हजार बढी सब्स्क्राइबर भएको च्यानल शुक्रबार ह्याक भएको हो ।
ह्याकपछि च्यानलको नाम र युजरनेम परिवर्तन गरी नेपालमा प्रतिबन्धित बिटक्वाइनको प्रचार गरिएको थियो । यसअघि पनि उक्त च्यानल ह्याकको शिकार भएको थियो ।
ह्याक हुनुको वास्तविक कारण बाहिर आइसकेको छैन । च्यानल फिर्ता ल्याउने काम भइरहेको बताइएको छ ।
सो च्यानलमा कार्कीले भ्लग भिडिओहरू राख्दै आएका थिए । हाल जापानमा रहेका उनी त्यहीँका सामग्री भ्लगमार्फत बाहिर ल्याउथे ।
