![](https://newspolar.com/wp-content/uploads/2024/04/sodari.jpg)
काठमाडौँ । सुदूरपश्चिम प्रदेशको मुख्यमन्त्रीमा नेकपा (एकीकृत समाजवादी)का संसदीय दलका नेता दीर्घ सोडारी नियुक्त भएका छन् ।
समाजवादीका सोडारीले सत्ता गठन्धनबाट एमाले, माओवादी केन्द्र, नागरिक उन्मुक्तिका दुईजना सांसद र स्वतन्त्र एकसहित प्रदेश प्रमुख नजिर मियाँ समक्ष दाबी पेश गरेका थिए ।
सोही दाबीअनुसार प्रदेश प्रमुख नजिर मियाँले सोडारीलाई मुख्यमन्त्रीमा नियुक्त गरेका हुन् ।
५३ सदस्यीय प्रदेशमा सरकार निर्माणका लागि २७ जना सांसदको समर्थन आवश्यक थियो । सोडारीको पक्षमा माओवादीका १० जना, एमालेका १०, समाजवादीका चार, नागरिक उन्मुक्ति (नाउपा)का दुई र एक स्वतन्त्र सांसदले समर्थन जनाएका छन् ।
नाउपाका रेशम चौधरी पक्षका पाँच जनाले भने सोडारीलाई समर्थन दिएका छैनन् । १८ सिटसहित सबैभन्दा ठूलो दल रहेको नेपाली कांग्रेस विपक्षीमा बस्ने भएको छ ।