काठमाडौं । नेपाल कानुन समाजका अध्यक्ष तीर्थमान शाक्यको ८१ बर्षको उमेरमा निधन भएको छ । शाक्यको क्यान्सर रोगको उपचारका क्रममा आज बिहान ग्वार्काेस्थित बिएण्डबी अस्पतालमा निधन भएको हो ।
दुई महिना अघि मात्र पत्नी बियोगको पीडामा रहनु भएका शाक्यले हालै मात्र भारतको राजधानीमा दिल्लीमा उपचार गराएर फर्कनु भएको थियो ।
उहाँका परिबारका सदस्यहरु बिदेशमा रहका कारण उनिहरु आएपछि मात्र अन्तिम सस्कार गर्ने तयारी भै रहेको समाजका कार्यकारी निर्देशक कृष्णमान प्रधानले जानकारी दिनुभयो ।
नेपाल सरकारको मुख्य सचिब, लोकसेवा आयोगका अध्यक्षको समेत जिम्मेवारी निर्बाह गरिसक्नु भएका शाक्य कुशल प्रशासकका छबि बनाउनु भएको थियो । शाक्यले रोटरी नेपालका डिस्ट्रिक्ट ३२९२ का पूर्व डिस्ट्रिक्ट गभर्नरको जिम्मेबारी समेत निर्बाह गर्नुभएको थियो ।