काठमाडौं । संसद्को सार्वजनिक लेखा समितिको एक टोलीले वर्षौंदेखि निर्माणाधीन राष्ट्रिय गौरवका हुलाकी राजमार्गको अनुगमन गरेको छ ।
समितिको टोलीले सप्तरीदेखि राजमार्गको स्थलगत अनुगमन गरेको हो । त्यस क्रममा लेखा समितिको टोलीले राजमार्ग निर्माणको प्रगति निराशाजनक रहेको पाइएको जनाएको छ ।
मधेसको मेरुदण्डका रुपमा रहेको हुलाकी राजमार्गमा ठेक्का लिइर काम गरिरहेका निर्माण व्यवसायीको कमजोरी धेरै देखिएको समितिको निष्कर्ष छ । लेखा समितिका सदस्य प्रदीप यादवले केही कर्मचारीको लापरबाहीका कारण पनि आयोजनाको काम अघि बढ्न नसकेको बताउनुभएको छ ।
टोलीले सप्तरीका सासंद, नगरपालिका प्रमुख, गाउँपालिकाका अध्यक्ष, प्रमुख जिल्ला अधिकारी, जिल्ला प्रहरी प्रमुख, विभिन्न राजनीतिक दलका प्रतिनिधि, हुलाकी राजमार्गका आयोजना प्रमुख, निर्माण व्यवसायीलगायत सरोकारवालाहरूसँग छलफल गरि आयोजनाको काम अघि बढाउन निर्देशन दिएको छ ।
