• ६ श्रावण २०८१, आईतवार
  •      Sun Jul 21 2024
  •   Unicode
Logo

मधेशका मुख्यमन्त्री यादवले चौथोपटक विश्वासको मत लिँदै



मधेशका मुख्यमन्त्री सरोजकुमार यादव ।

जनकपुरधाम । मधेश प्रदेशका मुख्यमन्त्री सरोजकुमार यादवले आज चौथोपटक विश्वासको मत लिन लागेका छन् ।

नेपाली कांग्रेसले सरकारबाट  समर्थन फिर्ता लिएपछि मुख्यमन्त्री यादवले विश्वासको मत लिन लागेका हुन् ।

आज दिउँसो १ बजे बोलाईएको प्रदेशसभा बैठकमा विश्वासको मतसम्बन्धी प्रस्तावमा छलफल र मतदानका लागि समय तय गरिएको छ ।

जसपाबाट मुख्यमन्त्री बनेका यादव नेतृत्वको सरकारमा नेकपा एमाले, नेकपा माओवादी केन्द्र, नेकपा एस र लोसपा सहभागी छन् ।

कुल १०७ सांसद रहेका प्रदेश सभामा हाल एमालेका २५ , जसपाका १९, लोसपाका ९, माओवादीका ९ र नेकपा एसका ७ सांसद छन् । प्रतिपक्षमा रहेका कांग्रेसका २२, जनमत पार्टीका १३ तथा नेपाल संघीय समाजवादी पार्टी, नागरिक उन्मुक्ति पार्टी र राप्रपाका १र१ सांसद छन् ।

उनले यसअघि तीनपटक विश्वासको मत लिइसकेका छन् ।