काठमाडौँ । ओमानमा जारी एसिसी मेन्स प्रिमियर कप अन्तर्गत नेपालले कतारलाई २११ रनको लक्ष्य दिएको छ ।
टस जितेर पहिले ब्याटिङ गरेको नेपालले २० ओभरमा ७ विकेट गुमाएर २१० रन जोड्यो । नेपालका लागि दिपेन्द्र सिंह ऐरी र आसिफ शेखले अर्धशतकीय पारी खेले । मात्र २१ बलमा दिपेन्द्र ६४ रनसहित अविजित रहे ।
उनले अन्तिम ओभरमा सबै बलमा छक्का हाने । अर्थात् उनले ६ बलमा ६ छक्का प्रहार गरे । आफ्नो पारीमा उनले ७ छक्का र ३ चौका हिर्काए ।
आसिफले ४१ बलमा ५२ रनको योगदान दिए । उनले ६ चौका हाने । यस्तै, कुशल मल्लले १८ बलमा ३५ रनको योगदान दिए ।
रोहित पौडेलले १८ तथा कुशल भुर्तेलले १२ रन जोडे । कतारका लागि हिमान्सु राठोर र मुसवार शाहले ३-३ तथा आमिर फारुकले १ विकेट लिए ।
