काठमाडौं । ओमानमा जारी एसीसी प्रिमियर कपमा नेपालले शनिबार दोस्रो खेल खेल्दैछ ।
शुक्रबार भएको पहिलो खेलमा मलेसियालाई पाँच विकेटले हराएको नेपालले आज शनिबार कतारसँग प्रतिस्पर्धा गर्न लागेको हो ।
नेपाल र कतारबीचको खेल दिउँसो ४:१५ बजे सुरु हुनेछ । शुक्रबार मलेसियाविरुद्धको पहिलो जितपछि नेपालले समूह ‘ए’ मा २ अंक जाडेको छ ।
प्रिमियर कपको समूह ‘ए’ मा रहेको नेपालले तेस्रो खेल वैशाख ३ गते हङकङसँग र चौथो खेल वैशाख ५ गते साउदी अरेबियासँग खेल्नेछ । समूह ‘बी’ मा बहराइन, कम्बोडिया, कुवेत, ओमान र संयुक्त अरब इमिरेट्स ९युएई० छन् ।
समूहका शीर्ष दुई टोली फाइनलमा प्रवेश गर्नेछन् । फाइनल खेल वैशाख ९ गते हुनेछ । प्रतियोगिताको विजेता टोली सन् २०२५ को टी–२० एसिया कपका लागि छनोट हुनेछ ।
