काठमाडौँ । इन्डियन प्रिमियर लिग (आईपीएल)मा दिल्ली क्यापिटल्स (डीसी)ले लखनउ सुपर जाइन्ट्स (एलएसजी)लाई पराजित गरेको छ ।
टोलीले चालू सिजनको २६ औं खेलमा सुपरजायन्ट्सलाई ६ विकेटले पराजित गरेको हो । लगातार दुई पराजयपछि दिल्लीको यो सिजनको पहिलो जित हो भने लखनउले लगातार तीन जितपछि हार बेहोरेको छ ।
शुक्रबार लखनउको एकना स्टेडियममा टस जितेर ब्याटिङ रोजेको लखनउले २० ओभरमा ७ विकेट गुमाएर १६७ रन बनाएको थियो । दिल्लीले १८.१ ओभरमा ४ विकेट गुमाएर १६८ रनको लक्ष्य पुरा गर्यो । खेलका प्लेयर अफ द म्याच कुलदीप यादव भए । उनले २० रन दिएर तीन विकेट लिए ।
डीसीका लागि डेब्यु गरेका ज्याक फ्रेजर–मगुर्कले ३५ बलमा ५५ रनको अर्धशतकीय पारी खेले । कप्तान ऋषभ पन्तले ४१ रनको योगदान दिए । लखनउका रवि बिश्नोईले दुई विकेट लिए भने नविन उल हक र यश ठाकुरले एक(एक विकेट लिए ।
एलएसजीका आयुष बडोनीले ३१ बलमा ५५ रनको अविजित अर्धशतक खेले । उनले आठौं विकेटका लागि अरशद खानसँग ७३ रन जोडे । कप्तान केएल राहुलले ३९ रन बनाए ।
दिल्लीका कुलदीप यादवले २० रन दिएर ३ विकेट लिए । खलिल अहमदले २ विकेट लिए । इशान्त शर्मा र मुकेश कुमारले एक–एक विकेट लिए ।
आजको खेलः पञ्जाव किंग्स भर्सेस राजस्थान रोयल्स, बेलुका ७ः४५ बजे
