• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   बीसीसीआईले मुख्य प्रशिक्षकको लागि अष्ट्रेलियालीलाई प्रस्ताव गरेको छैन: जय शाह ★   सुरक्षित मातृत्व सेवा सरकारले थप व्यवस्थित बनाउन जरुरी:सभापति डा.राणा ★   पपुवा न्युगिनीमा पहिरोमा परी करिब १०० जनाको मृत्यु भएको आशङ्का ★   राष्ट्रिय वाणिज्य बैंक लिमिटेडका नवनियुक्त प्रमुख कार्यकारी अधिकृत खनालद्वारा पदभार ग्रहण ★   क्यान्सरको जोखिम पहिचान गर्न स्वास्थ्य शिविर ★   डोजर लगाएपछि बागलुङका ताल सुक्दै ★   संसदलाई विधिसंगत रुपमा छलफलको केन्द्र बनाऔं: सभामुख घिमिरे ★   व्यावसायिक चियाखेतीसँगै पर्यटन प्रवर्द्धनमा भोजपुरका रञ्जित ★   कांग्रेसको अवरोधपछि प्रतिनिधिसभाको बैठक स्थगित ★   धावनमार्गमा खाल्डो परेपछि त्रिभुवन विमानस्थल ४५ मिनेटको लागि बन्द

आईपीएलमा आज: अन्तिममा रहेको दिल्ली र लखनउ भिड्दै



एजेन्सी । इन्डियन प्रिमियर लिग (आईपीएल) २०२४ को २६ औँ खेलमा आज लखनउ सुपर जाइन्ट्स (एलएसजी) ले दिल्ली क्यापिटल्स (डीसी)सँग खेल्दैछ । भारत रत्न श्री अटल बिहारी वाजपेयी (इकाना) स्टेडियम लखनउमा हुनलागेको खेल नेपाली समयअनुसार बेलुकाको ७:४५ बजेबाट सुरु हुनेछ ।

यस सिजनमा लखनउ आज पाँचौं खेल खेल्दैछ। एलएसजीको ४ खेलमा ३ जित र १ हारगपर ६ अंकसहित तालिकाको तेस्रो स्थानमा छ । अर्कोतर्फ, छैटौं खेल खेल्न लागेको दिल्ली ले ५ खेलमा १ जित र ४ हारसहित २ अंक जोडेको छ ।

हेड टु हेड

आईपीएलमा हालसम्म लखनउ सुपर जाइन्ट्स र दिल्ली क्यापिटल्सबीच ३ खेल खेलिएको छ । लखनउले सबै खेल जितेको छ ।

लखनउले पछिल्ला तीन खेल लगातार जित्यो, पुरन सर्वाधिक रन स्कोरर

यस सिजन लखनउको सुरुवात राम्रो गर्न सकेन । टोलीले आफ्नो पहिलो खेलमा राजस्थान रोयल्ससँग हार बेहोरेको थियो । यसपछि टोलीले पछिल्ला तीन खेलमा लगातार जित निकालेको छ । पञ्जाब किंग्सलाई २१ रनले, रोयल च्यालेन्जर्स बैंग्लोरलाई २८ रनले र गुजरात टाइटन्सलाई ३३ रनले पराजित गरेको थियो ।

बायाँ हाते ब्याट्सम्यान निकोलस पूरनले यस सिजन टिमका लागि सर्वाधिक रन बनाएका छन् । उनले चार खेलमा १७८ रन बनाएका छन् । यस्तै, टोलीका तीब्र गतिका बलर मयंक यादव सर्वाधिक विकेट लिने खेलाडी हुन् ।

दिल्लीको खराब फार्म जारी

यो सिजनमा दिल्ली क्यापिटल्सको खराब फर्म जारी छ । टोलीले पाँच मध्ये एक खेल मात्र जित्न सकेको छ। टोलीले पञ्जाब किंग्स, राजस्थान रोयल्स, कोलकाता नाइट राइडर्स र मुम्बई इन्डियन्ससँग हार बेहोरेको थियो भने चेन्नई सुपर किंग्सलाई हराएको थियो ।

विकेटकिपर ब्याट्सम्यान ट्रिस्टन स्टब्स टोलीका सर्वाधिक रन बनाएका छन् । उनले पाँच खेलमा १७४ रन बनाएका छन् । खलील अहमदले ७ विकेट लिएका छन् ।

लखनऊ सुपर जायन्ट्सको सम्भावित प्लेईङ​ ११:

केएल राहुल (कप्तान र विकेटकीपर), क्विन्टन डी कक, देवदत्त पडिक्कलरदीपक हुडा, निकोलस पूरन, मार्कस स्टोइनिस, आयुष बडोनी, क्रुणाल पाण्ड्या, रवि बिश्नोई, यश ठाकुर, मोहसिन खान र नवीन(उल(हक।
इम्प्याक्ट प्लेयर: कृष्णप्पा गौतम।

दिल्ली क्यापिटल्सको सम्भावित प्लेईङ​ ११:

ऋषभ पन्त (विकेटकिपर र कप्तान), पृथ्वी शा, डेभिड वार्नर, ट्रिस्टन स्टब्स, अभिषेक पोरेल, अक्षर पटेल, ललित यादव, झे रिचर्डसन, इशान्त शर्मा, खलील अहमद र एनरिक नोर्त्या।

इम्प्याक्ट प्लेयर: कुमार कुशाग्रा।