काठमाडौं । आईपीएलमा राजस्थान रोयल्सले पहिलो हार ब्यहोरेको छ । गएराति भएको खेलमा गुजरात टाईटन्सङ्ग राजस्थान ३ विकेटले पराजित भएको हो ।
राजस्थानले दिएको १ सय ९७ रनको विशाल लक्ष्य गुजरातले अन्तिम बलमा ७ विकेट गुमाएर भेट्टायो ।
अन्तिम ओभरमा १५ रन चाहिएकोमा रासिद खानले आवेश खानको पहिलो तीन बलमा ४, २ र ४ रन जोडे । चौथो बलमा उनले एक रन लिए भने पाँचौं बलमा ३ रन लिने क्रममा राहुल टेवाटिया रन आउट भए ।
अन्तिम बलमा २ रन चाहिएको अवस्थामा रासिदले चौका प्रहार गर्दै गुजरातलाई जित दिलाए ।
गुजरातका लागि कप्तान शुभमन गिलले सर्वाधिक ७२ रन बनाए । यस्तै ओपनर साई सुदर्शनले ३५ तथा रासिदले २४ रन बनाए भने टेवाटियाले २२ रन जोडे ।
राजस्थानका लागि कुलदीप सेनले ३ तथा युजभेन्द्र चहलले २ विकेट लिए । आवेश खानले १ विकेट लिए ।
त्यसअघि जयपुरमा टस हारेर पहिले ब्याटिङ गरेको राजस्थानले निर्धारित २० ओभरमा ३ विकेट गुमाएर १ सय ९६ रन बनायो । राजस्थानका लागि रियान परागले सर्वाधिक ७६ रन बनाए ।
कप्तान सञ्जु सामसनले ६८ रन जोडे । त्यस्तै यशस्वी जैसवालले २४ रन बनाए । गुजरातका लागि उमेश यादव, रासिद र मोहित शर्माले समान १ विकेट लिए ।
जित पछि गुजरात ६ खेलमा ६ अंक सहित छैठौं स्थानमा छ । राजस्थान ५ खेलमा ८ अंक सहित शीर्ष स्थानमा यथावत छ ।
