एजेन्सी । इन्डियन प्रिमियर लिग (आईपीएल) २०२४ मा आज पञ्जाब किंग्स (पीबीकेएस) र सनराइजर्स हैदरावाद (एसआरएच) बीच खेल हुँदैछ । महाराजा यादवेन्द्र सिंह अन्तर्राष्ट्रिय क्रिकेट रंगशाला मोहालीमा हुनलागेको खेल नेपाली समय अनुसार बेलुकाको ७:४५ बजेदेखि सुरु हुनेछ ।
पञ्जाबले आइपिएलमा हैदरावादविरुद्ध ६६ प्रतिशत खेल जितेको छ। १७ औं सिजनमा दुवै टोलीले अहिलेसम्म २–२ खेल जितेका छन् भने दुवैले २–२ खेलमा हार बेहोरेका छन् । दुबै टोलीको ४/४ अंक छ, हैदरावाद अंक तालिकामा पाँचौं र पञ्जाब छैटौं स्थानमा छ।
हेड टु हेड
आईपीएलमा यी दुई टोलीबीच हालसम्म २१ खेल खेलिएका छन् । जसमध्ये पञ्जाबले १४ खेल जितेको छ भने हैदरावादले ७ जितेको छ । यसको मतलब हैदरावादविरुद्धको ६६ प्रतिशत खेलमा पीबीकेएस विजयी भएको छ ।
क्लासेन एसआरएचका टप रन स्कोरर
एसआरएचका ब्याट्सम्यानले यो वर्ष राम्रो प्रदर्शन गर्दै आएका छन् । अभिषेक शर्मा, ट्राभिस हेड, हेनरिक क्लासेन र एडेन मार्कराम जस्ता खेलाडीले लगातार उत्कृष्ट प्रदर्शनी गर्दै आएका छन् ।
टोलीका लागि हेनरिक क्लासेनले सर्वाधिक रन बनाएका छन् । उनले ४ खेलमा २ अर्धशतक बनाएका छन् । बलिङमा टी नटराजनले सर्वाधिक ४ विकेट लिएका छन् ।
पञ्जाबमा धवनको सर्वाधिक रन
पञ्जाबसँग शिखर धवन, जोनी बेयरस्टो, लियाम लिभिङ्स्टन जस्ता आक्रामक ब्याट्सम्यान छन् । तर कप्तान धवन बाहेक अहिलेसम्म कुनै पनि ब्याट्सम्यानले लगातार राम्रो प्रदर्शन गर्न सकेका छैनन् । बलिङ पञ्जाबका लागि कागिसो रबाडाले सर्वाधिक ६ विकेट लिएका छन् ।
पिच रिपोर्ट
आज आईपीएलको दोस्रो खेल मोहालीको नयाँ मैदानमा हुँदैछ । यसअघि यहाँ पीबीकेएसले दिल्ली क्यापिटल्सको सामना गरेको थियो । । यहाँको पिच स्लो हुने अपेक्षा गरिएको छ । यस्तो अवस्थामा टस जित्ने टोलीले पहिले ब्याटिङ रोज्न पनि सक्छ ।
मौसम रिपोर्ट
आज यहाँको मौसम सफा रहनेछ । तापक्रम ३२ देखि ३३ डिग्रीको बीचमा रहनेछ। पानी पर्ने सम्भावना छैन ।
पञ्जाब किंग्सको सम्भावित प्लेईङ ११:
शिखर धवन (कप्तान), जोनी बेयरस्टो, प्रभसिमरन सिंह, साम कुरान, जितेश शर्मा (विकेटकिपर), शशांक सिंह, आशुतोष शर्मा, हरप्रीत ब्रार, कागिसो रबाडा, हर्षल पटेल र अर्शदीप सिंह।
ईम्प्याक्ट खेलाडी: राहुल चाहर, लियाम लिभिङ्स्टन र सिकन्दर रजा।
सनराइजर्स हैदरावादको सम्भावित प्लेईङ ११:
प्याट कमिन्स (कप्तान), ट्राभिस हेड, अभिषेक शर्मा, एडेन मार्कराम, शाहबाज अहमद, हेनरिक क्लासेन (विकेटकिपर), अब्दुल समद, नितिश कुमार रेड्डी, भुवनेश्वर कुमार, टी नटराजन र मयंक मार्कंडे।
ईम्प्याक्ट खेलाडी: जयदेव उनाडकट, मयंक अग्रवाल।
