काठमाडौँ । नेपाल क्रिकेट संघ (क्यान)ले वेस्टइण्डिजका रोडेरिक इस्टविकलाई राष्ट्रिय क्रिकेट टिमको बलिङ कन्सल्टेन्टको रूपमा नियुक्त गरेको छ ।
आइसिसी टी–२० विश्वकप अघि ६२ वर्षीय इस्टविकलाई बलिङ कन्सल्टेन्ट नियुक्त गरिएको हो । बार्बाडोसका तीव्र गतिका बलर ६३ वर्षीय रोड्रिकले आगामी टी–२० विश्वकपसम्म नेपाली टोलीलाई हेर्नेछन् ।
उनीसँग क्षेत्रीय टिमसँग काम गरेको अनुभव छ । उनले ३७ फर्स्ट क्लास क्रिकेटमा १४१ विकेट लिएका छन् ।
यही साता ओमानमा हुने एसीसी मेन्स प्रिमियर कपबाट उनी टोलीमा आवद्ध हुनेछन् । नेपाली टोली भारतबाट सिधै ओमान जानेछ ।
