काठमाडौं । एसएमएस फ्रेन्डसिप त्रिकोणात्मक टी–२० सिरिजका लागि भारत भ्रमणमा रहेको नेपालले फाइनलमा गुजरातविरुद्ध टस जितेर पहिले ब्याटिङ गर्ने भएको छ ।
केही समयपछि ब्याटिङका लागि मैदान उत्रिने नेपालले गुजरातलाई जारी प्रतियोगितामा तेस्रो पटक हराउँदै उपाधि जित्ने लक्ष्यमा रहेको छ । घरेलु टोली गुजरात भने पहिलो पटक नेपाललाई पराजित गर्दै उपाधि जित्ने दाउमा छ ।
सिरिजको लिग चरणमा भएका दुबै खेलमा नेपालले गुजरातलाई पराजित गरेको थियो ।
