काठमाडौँ । पहिलो ट्वान्टी–ट्वान्टी खेलमा आयरल्याण्डको ‘ए’ टोलीले नेपाल ‘ए’ क्रिकेट टोलीलाई २२३ रनको विशाल लक्ष्य दिएको छ । टस हारेर पहिला ब्याटिङ थालेको आयरल्याण्डले २० ओभरमा ५ विकेटको क्षतिमा २२२ रन जोड्यो ।
उसका लागि पिटर मुरले ४९, केड कारमाइकल र निल रकले ३८–३८, स्टेफन डोहेनीले ३४ रन जोड्दा ग्यारेथ डिलानी ३० रनमा तथा गाभिन होए १८ रनमा अविजित रहे । अन्तिम ओभरमा नेपालले २३ रन खान पुगेको थियो ।
बलिङतर्फ नेपाल ए का कमल ऐरीले ३ विकेट लिँदा सागर ढकाल र आरिफ शेखले १–१ विकेट लिए ।
हिजोका लागि तय भएको खेल वर्षाका कारण स्थगित भएको थियो ।
